عراق.. دەسگیرکردن 48 توومەتبار وە جادووبازی و بازرگانیکردن وە ئایەم
شەفەق نيوز/ وەزارەت ناوخۆی عراق، ئمڕوو دووشەممە، دووپات کرد کە دژە بازرگانیکردن وە ئایەم، توەنست لە ماوەی دوو هەفتە، 48 کەس لە جادووبازەیل و کەسەیلیگ دەسیان لەناو بازرگانیکردن وە ئایەم بویە دەسگیر بکەێد، لە بەغداد و پارێزگایەیل.
وەزارەتەگە لە بەیاننامەیگ رەسیە ئاژانس شەفەق نیوز وت: ئاژانس هەواڵگری و لێکۆڵینەوەی فیدڕاڵی، لە وەڕیەوبەرایەتی دژە بازرگانیکردن وە ئایەم، توەنست هەڵمەتیگ فراوان جیوەجی بکەێدر لە شوینەیلیگ کە کارەیل جادووبازی لەناویان کریەێد لە بەغداد و پارێزگایەیل لە ماوەی دوو هەفتە.
وتیش: هەڵمەتەگە رەسیە دەسگیرکردن (48) کەس لە پیاو و ژنە جادووبازەیل و ئەوانەگ دەسیان هاناو بازرگانیکردن وە ئایەم، و بەدوەکارهاوردن قوربانیەیل وە خەڵەتانن، لەژیر ناونیشان جادووبازی و چارەسەری رۆحی و گیچەڵەیل خیزانی.
دیاری کرد کە هەڵمەتەگە وە پشتگیریکردن راستەخۆ لەلایەن ئەنجومەن دادوەری باڵا هات، کە دووپات لە گرنگی نواگیریکردن ئی دیاردەیل رخدارە کە یەکبڕن وەرد تاوانەیل بازرگانیکردن وە ئایەم، و هەڕەشەی ئاشتەوایی کۆمەڵایەتی و ئرێنەیل رەوشتی و یاسایی دەن.
وتیش: لێکۆڵینەوەی سەرتایی ئاشکرای ئەوە کردن کە توومەتبارەیل دەسیان هاناو کارەیل چزدان و خەڵەتانن و بەدوەکارهاوردن دەروینی و لەشی، وە شیوەیگ تایبەت ژن و مناڵ کردنەسە ئامانج، لە شکانن ئاشکرایگ ئەرا مافەیل مرۆڤ.
ئاژانس هەواڵگری و لێکدانەوەی فیدراڵی دووپاتیش کرد کە ئی هەڵمەتە لەناو ستراتیژی نیشتمانی ئەرا دژایەتی بازرگانیکردن وە ئایەم تیەێد، وە هاوکاریکردن قایمیگ وەرد دەسەڵات دادوەری.
