هەواڵی کوردستان ئێستا

شەفەق نیوز/ لە مانگ رەمەزان، کە خیزان و برادەرەیل گردەو بوون، ئەرا باسکردن و گوزەرانکردن وەختەیل جیاوازیگ، وەلێ لە ئەنبار تام تایبەت خوەی لە رەمەزان دیرێد، ئەوەیش وە بازیکردن گلوان، کە ریشەی ئی بازیە چوودەو ئەرا ساڵەیل کویەن.

ئی بازیە، کە جاران تەنیا ئەرا بازی ناوەین مناڵ و گەنجەیل بوی، بویەسە چشتیگ ڕەمەزانی نشان گردەوبوین مەردم و پەیوەندییەیل کۆمەڵگا لەی پارێزگا دەێد.

 ئاژانس شەفەق نیوز بڵاوبوین زەویەیل بازیکردن گلوان لە گەڕەکەیل و بازاڕەیل کوینە توومار کرد، کە گەنج و گەورەیەیل گردەوبوینە ئەرا ئی بازیە، لەناو کەشوهەوای خوەشی و تامداری.

مەحمود حسێن، یەکیگ لە بازیکەرە کوینەیل، ئەرا ئاژانس شەفەق نیوز وت: بازی گلوان بەشیگە لە مناڵیمان، لەناو گەڕەکە کوینەیل، و ئمڕوو بویە نشانەیگ ڕەمەزانی، کە لە ڕووژەیل رەمەزان گردەو بویمن، و بازی کەیمن، کە کەشوهەوا بوودە فیستواڵیگ بویچگ.

 لەلای خوەییش، عەلی جومەیلی کە لە بازیەگە بەشداری کەێد، وت: رەمەزان لە ئەنبار تام جیاوازیگ دیرێد وەگەرد بازی گلوان، لەیرا نەک تەنیا ئەرا بازیکردن یەکانگیرەو بویمن، بازیەگە بویەسە پیەڵیگ ناوەین نەوەیل، کە بویچگ و گەورە یای توانایل بازیەگە و چیرووکەیل گوزەشتە گرن.

  هەرلیوا، ئەحمەد جەنابی پسپۆر کۆمەڵایەتی، ئەرا ئاژانس شەفەق نیوز دیاری کرد کە گلوان ناسنامەی کەلتووری خەڵک ئەنبار نشان دەێد، نەک تەنیا بازییگ، بەڵکم شیوەیگ ئەرا پەیوەندی کۆمەڵایەتی و هەڵگردن داب ونەریتی میراتی لە سەردەمیگ جەهانگیری لەناوی زیایبویە.

جەنابی وتیش: وەردەوامی ئی بازیە لە رەمەزان پاڵپشتی ئەرزشەیل کۆمەڵگا کەێد و مەردم لەناو خوەشییگ گردەو کەێد.

لە کویچە کوینەیل تا مەیدانە نووەیل، گلوان لە ئەنبار وەردەوامە جویر هیمایگ ئەرا گریەبەسان و رەسەنی، وەتایبەت لە مانگ رەمەزان، و وەگەرد رووزگارەو، هیمان نەوەیل مقیەتی ئی نەریت شارستانیە کەن، تا لە هویرمان ئەنبار وە زنی بمینێد.