زانایەیل چینی توەنستنە گورچگ وەراز ئەرا ژنیگ دانەن
شەفەق نیوز/ تیمیگ پزشکی چینی، لە خەسەخانەی سیجینگ سەروە زانکۆی هیزەیل ئاسمانی لە سوپای ئازادکرن جەماوەری چینی، توانست گورچگ وەرازیگ کە دەسکاری توخمەیی کریاس، ئەرا ژنیگ دانەن کە بیماری "بۆلينا" دیرێد.
دو كيفينگ سەرۆک تیمە پزشکیەگە ئویشێد: توانێد ماڵین ئەندام لەش لەناو زیندەوەرەیل بوودە ئامرازیگ سەرەکی ئەرا چارەسەرکردن کەمی ئەندامەیل و بەخشین ئومید نوویگ ئەرا بڕیگ لە بیمارەیل.
ئەو گورچگ وەرازە لەناو لەش ژنیگ لە تەمەن 69 ساڵە دانریا کە کەموکوڵی گورچگی رەسیەسە کۆتایی، و دویای گلەوخواردن تەکان خوین، گورجگەگە دەسکردە دروسکردن میز.
ئاست کرياتينين لەناو ئەو واکسینە داوەزیا کە جویر نشانەیگ کیمیایی گرنگە ئەرا هەڵسەنگاندن ئەرکەیل گورچگ ئەرا رەوش سروشتی خوەی لە رووژ سێیەم، کە نیشانەی سەرکەفتن سەرەتایی ئەو نەشتەرگەریە دەێد.
وەقسەی پزشکەیل، هاتێ بیمارەگە تویش کێشەیلیگ باێد جویر رەتکردن وەهرخودانی، و شیواشیو خاسەوبوین خوین، و هەوکردن.
داتایەیل فەرمی نشان دەن کە نزیکەی 130 ملیۆن کەس لە وڵات چین زیان لە بیماریەیل گورچگ دیرن.
جی باسە کە تا ئیسە چوار نەشتەرگەری گورچگ وەرازە ئەرا ئایەم ئەنجام دریاس، گشتی لە ئەمریکا بویە، و خاوەن درویژترین تەمەن لەناویان ئەوە بوی کە لە نۆڤەمبەر 2024 نەشتەرگەری ئەرای کریاس.
