نووشین چای لە پاشام وەلیفەت دیرێد یا زەرەرد؟
شەفەق نیوز/ فرە کەس لە پاشام ئەزرەت نووشین کوپیگ چای کەێد باوجی ئایا یە وەلیفەت دیرێد یا زەرەد؟
دکتۆر محمد هێلمی راوێژکار قەڵەوی و داوەزانا کێش جواو ئێ پرسیارە دەێد و رووشنیکەێد کە نووشین چای لە پاشام وەلیفەت و سوود وەگەرد یەک دیرێد، کاریگەریەیلی پەیوەنی وە بڕ نووشین و جویر لەش دیرێد.
وەلیفەت:
1. دەسمیەتی هەرسکردن دەێد وە تایوەت دویای خواردن ژەم قورسیگ، کارکەێد ئەرا گاڵداین گەیە و کەمەوکردن قەبزی.
2. دژە ئۆکسانی هااوی کە پاڵپشت تەندروسی کەێد و سیستەم بەرگری لەش قایم کەێد.
3. ئەزرەت خواردن کەمکەێد.
باوجی بیجگە لەی وەلیفەتیەلە نووشین چای لە پاشام کاریگەری نەرێنیش دیرێد جویر کەمەوبوین مادەی ئاسن لەش و تێکچگن خەو.
لەهەمان وەخت تەمێ ئەو کەسەیلە کەێد کە ئەزرەت چای نووشین کەن خاسترە ساعەتیگ وەرجە خەفتن بنوشنێ هەمیش توەنن چای گیایی بنووشن جویر چای نعنا یا بەیبون چوینکە کاریگەری نەرێنی کەمترە وەبان لەش.
