هەواڵی کوردستان ئێستا

شەفەق نیوز/ رووژنامەی "ئیل فوليو"ی رووژانەی ئیتاڵی، ئاشکرای دەرچگن یەکەمین رووژنامەی چاپکریای لە جیهان کرد کە وەتەواوی پشت وە زیرەکی دەسکرد بەساس، وەبی دەسوەردان سەرنویسەرەیل.

رووژنامەگە وت: دەسوە تاقیکردنیگ کرد کە یەک مانگ وەردەوام بوود ئەرا دەرکردن رووژنامەیگ رووژانەی 4 لاپەڕە، وەتەواوی پشت وە زیرەکی دەسکرد بەسێد، و ئەوەسا وەگەرد شمارە رەسەنەگە کە 10 لاپەڕەس کە نرخی رەسێدە 1.8 یۆڕۆ وە موفتی بەشەو کریەێد. 

 سیستەمەیل زیرەکی دەسکرد وتارەیل نویسێد و ناونیشان و کوڵبڕەیل دانەێد، و گرنگترین نموونەیل لەناو باوەتەیل پەسەن کەێد وەبی دەسوەردان کەسیگ، لەناو ئەو رووژنامەی تاقیکردنە مە وەژیر ناو "ئیل فوليو ئێه. ئاي" دەرچوود.

تیم سەرنوسەری رووژنامەی ئیتاڵی ئویشێد: ئیمەی رووژنامەوانەیل تەنیا پرسیار لە سیستەمەیل زیرەکی دەسکرد کەیمن، ئمجا گشت وەڵامەیل خوەنیمنەو، وە ئامانج دەرکردن تەکنیکەیل زیرەکی دەسکرد ئەرا ئاست جیوەجیکردن لە جیهان رووژنامەوانی.

رووژنامەی "ئیل فوليو" لە ساڵ 1996 دامەزریاس، کە یەکیگە لە کەمترین رووژنامەی بەشەوبویەیل لە ئاست نیشتمانی ئیتاڵی.