هەواڵی کوردستان ئێستا

شەفەق نیوز/ کۆمپانیای چینی داواکاری ئەرا دروسکردن رۆبۆتیگ جویر ئایەم وەرگرێد کە وە AI کارکەێد.

رووژنامەی " Kyodo News"ی ژاپۆنی بڵاویکردیە، کۆمپانیایگ چینی دەسکردیە وە وەرگردن داواکاری پیشوەختە ئەرا رۆبۆتیگ جویر ئایەم کە وە زیرەکی دەسکرد کارکەێد، توەنێد دەسی بجویلنێد  و بجویلێد و ئەرکەیلی ئەنجام بدەێد.

رۆبۆت "Dobot Atom" وەلایەن کۆمپانیای ۆ" Dobot" دروسکریایە، بەرزییەگەی 153 سانتیمەترە و کێشی 62 کیلۆگرامە، توەنێد ناشتا ئامادە بکەێد جویر   ئامادەکردن شیر، نان برشانن تا بردن و هاوردن کەلوپەل.

 کۆمپانیاگە لە ساڵ 2015 دامەزریاس و لقەگانی لە ژاپۆن و ئەڵمانیا و ئەمریکا هەس.

وەپای قسەی ژانگ یی، وەڕێوەبەر جێبوەجێیکار پەیمانگای توێژینەوەی iiMedia، ئێ جویر  ڕۆبۆتە هاوڕێیانە مامەڵە کەن و ئەرکەیلیان جیوەجی کەن وەگەرد ئەوەش توانای بازرگانی بەرزیگ دیرن.