هەواڵی کوردستان ئێستا

شەفەق نیوز/ سەرچەوەیگ لە پۆلیس ناوخوەیی، ئمڕوو پەنجشەممە، خەوەردا لە خوەیکوشتن دوو گەنج و دراوردن تەرم دوو منال خنکیاگ وەگەرد یەک لە رویداوەیل جیاواز  و ناوچە جیاوازەیل بەغدای پایتەخت.

سەرچەوەگە وە ئاژانس شەفەق نیوز وت، گەنجیگ لەداڵگبوی ساڵ 1994   وە وەکارهاوردن نەفت لەناو ماڵ خوەیان ئاگر لەخوەی وەردایە لە ناوچەی دەسیم خوەرهەڵات پایتەخت.

وتیش؛ وەپای قسەی کەسوکاری لەوەر مردن براگەی ئێ کارە ئەنجامدایە.

لە رویداویگ هاوشیوە، سەرچەوەگە دیاریکرد گەنجیگ لەداڵگبوی 1992 لەری تەقەکردن لەخوەی وە دەوانچە لەناو ماڵ خوەیکوشتیە لەناوچەی کائن ناوچەی ئعلام لەلای کەرخ بەغداد.

زانیاری سەرەتایەگان دیاریکەن گەنجەگە بیماری دەروینی  داشتیە، وەپای سەرچەوەگە.

لەرویداویگ ترەک سەرچەوەگە خەوەردا لە دراوردن تەرم مناڵیگ تەمەن 12 ساڵان کە لەناو پرۆژەی ئاو کەناڵ خوەرهەڵات پایتەخت پەیاکریاس کە وەبان ئاو کەفتیە.

دیاریکرد مناڵەگە ماوەی چەن رووژیگە بیسەروشوینە کەسوکاری ئاگاداری گومبوینی بڵاوکردنە لەناوچەی کویچەی بەساتین سەر وە شەعب.

سەرچەوەگە وتیش؛ تەرم دویەمیش مناڵیگ 10 ساڵان دراوریاس لە پرۆژەی کەناڵەگە کە ئەویش ماوەی چەن رووژیگە گومابویە دانشتگ کویچەی بەساتینە.

سەرچەوەگە دیاریکرد، مناڵەیلە وەرجە چەن رووژیگ لە وەخت دەرچگنیان لە مەکتەو وە هووکار نادیاریگ خنکیانە.