هەواڵی کوردستان ئێستا

شەفەق نیوز/ دوورگەیگ تاڕادەیگ نادیار لە کاریبی بویەسە شوینیگ ئەرا ئەو کەسە دەوڵەمەنەیلە کە خوازن "تا هەمیشە بژیەن"، لەوەر نەوین یاسایگ کە چارەسەرە بۆماوەییە تاقیکارییەیل لەورا جیوەجی کریەێد.

 دوورگەی رواتان کەفێدە 40 میل لە کەنارەیل باکوور هندۆراس، دوورگەگە شاریگ تایبەت هاناوی وە ناو "پرۆسپێرا"، و شارەگە وە نەزین یاسا یا کۆنترۆڵی ریخریاگ کە کارە پزیشکییە پێشکەفتگەیل وەڕیەو بەێد کە وە فەرمی لەی شوینە پەسەن نەکریاس.

 کۆمپانیا یا کلینیکەیل ئی ناوچە توانن چارەسەری پزشکی یا تەکنەلۆژیای مۆدێرن و داهێنەرانە پیشکەش بکەن وەبی ئەوەگ بخوازێد مووڵەت لە دەزگایەیلیگ (جویر ئیدارەی خوەراک و دەرمان ئەمریکا) وەربگرن، ئەوەسە کە هاتێ ئی کارەیلە لە روی زانستییەو وە تەواوی نەچەسپیاس یا تاقیکردنەوەیگ راسگانی ئەرای ئەنجام نەیریاس ئەرا دڵنیابوین بیوەیی و کاریگەرییان.

 چارەسەرەگە بریتییە لە دەرزی سادە لە بەشەیل DNA کە گاڵ لەش دەێد تا خوەی خاسەو بکەێد و ئویشن کاریگەریی لە ساڵیگ تا دوو ساڵ وەردەوام بوود.

هەرلیوا، فۆلیستاتین وە پرۆتین بەسنەوەی ئەکتیڤین ناسیاس، کە پرۆتینیگە دەسمیەتی رێکخستن میتابۆلیزم دەێد و رۆڵی دیرێد لە ئەرکە جیاوازەیل لەش، لەوانە گەشەی ماسولکەیل و تەندروسی سوخان و سیستەم زاوزێ.

 لە توێژینەوەیل ئاژەڵ، چارەسەری جینی وە فۆلیستاتین دەرکەفت کە تەمەن مویش وەڕژەی 32.5% زیای کەێد.

 برایان جۆنسۆن، کە ملیۆنا دۆلار خەرج کەێد لە تەقەلای دیرخستن پیربوین و فرەجار لە گرتە ڤیدیۆییەیل بانگەشەکردن لە سۆشیال میدیا جویر پیاییگ دەردەکەفێد کە جەنگ مردن کەێد، لە سەرەتای ساڵ 2024 چارەسەری فۆلیستاتینی ئەرای کریاس و سەرسام بویە وە ئەنجامەیلی.