هەواڵی کوردستان ئێستا

شەفەق نیوز/ میدیایل ئەمریکی، ئاشکرای دەسگیرکردن سێ دویەت ناخاڵە کردن، کە چەقوو لە داڵگیان کیشانە، و کەفتنەسە شوینی وە تەقەلای کوشتنی، چوینکە داڵگیان تووڕ "وای فای" لەلییان بەساس.

وەگورەی تووڕ "ئەی بی سی نيوز"، پولیس هيوستن 3 دویەت ناخاڵە دەسگیر کرد دویای ئەو کە خوازینە داڵگ خوەیان بکوشن، چوینکە تووڕ وای فای لەناو ماڵیان لە تەکساس بەسیە.

راپۆرتەیل وتنیش کە ئەو دویەتەیلە کە تەمەنیان لە ناوەین  14 و15 و16 ساڵانە، هەر یەکیگیان چەقوویگ لە داڵگیان کیشاس، و کەفتنە شوین داڵگیان لە ماڵەوە تا ناو جادە، وە تەقەلای کوشتنی.

وتنیش: یەکیگ لەو دویەتەیلە وە سان داگە لە داڵگی، و داپیریان مەوقەی ناوجیکردن گلیاس، وەلێ کەسیگ زەخمدار نەویە. 

ئەو سێ دویەتە وە توومەت دەسدرویژی و پەلامار وە چەک مەرگدار دەسگیر کریان.